FANDOM


Paŭlo Moĵajev
Ukrainia esperantisto, esperant-lingva kantisto, redaktoro de "Kontakto", sciencisto-anatomo
Naskiĝo 16-a de februaro 1981
Jalto (Ukrainio)
Portalo pri Homoj

Pavel (Paŭlo) Nikolajeviĉ MOĴAJEV (ruse Павел Николаевич Можаев, la eventuala plene esperantigita nom-formo estas Paŭlo Moĵajevo) estas ukrainia esperantisto, ekde somero 2007 — redaktoro de "Kontakto"; profesie — sciencisto-anatomo. Ruso, ekde la naskiĝo loĝas en Krimeo (Ukrainio). En Esperanto li preferas esperantigi sian nomon kiel Paŭlo; rete, ankaŭ en Vikipedio, li uzas ankaŭ sian kromnomon Mevo).

Biografio Edit

Paŭlo Moĵajev naskiĝis la 16-an de februaro 1981 en la urbo Jalto (Krimeo). Dum la jaroj 1987-1997 li studis en la jalta mezlernejo №12 kun profunda studado de la angla lingvo. Paralele kun la studado en la mezlernejo li finis la muzik-lernejon (la baza fako — pianludo; krome ludis en blov-orkestro kelkajn blov-muzikilojn), dum kelkaj jaroj okupiĝis pri ŝakludo kaj futbalo. Ekde la 7-a studjaro li serioze ekokupiĝis pri arta fot-arto (kelkaj liaj fotoj estis premiitaj en multaj Ukrainiaj kaj kelkaj tuteŭropaj junularaj fot-ekspozicioj).

En la jaro 1997 post fino de la mez-lernejo li eniris la Krimean ŝtatan medicinan universitaton "S.I. Georgijevskij". Post fino de la universitato en 2003 li specialiĝis pri ĥirurgio. Post fino de la specialiĝo li estis invitita labori en la fako pri topografia anatomio kaj operacia ĥirurgio, kie li laboras ĝis nun, instruante kaj okupiĝante pri la sciencaj esploroj (la baza scienca temo — la individua varieco de flugilformaj pleksoj de la homo). Nuntempe li loĝas kaj laboras en Simferopolo.

Personaĵoj Edit

Krom serioza interesiĝo pri Esperanto P. Moĵajev ŝatas muzikon (mem iom komponas), poezion, bardajn kantojn (ĉefe de la rusa bardo M. Ŝĉerbakov kaj la duopo "IVASI"). Li ŝatas ankaŭ bonajn krimeajn vinojn kaj nelongajn (unutagajn) pied-marŝojn sur Krimea montaro.

Lia gepatra lingvo estas la rusa; li bone posedas ankaŭ la ukrainan lingvon, pli-malpli bone la anglan; lastatempe iom studas la polan lingvon.

Esperanto-aktivado Edit

Esperanton Paŭlo lernis memstare laŭ la lernolibro de Boris Kolker, la lernado komenciĝis somere 2000. Ekde la jaro 2001 li partoprenis ĉiujn Krimeajn E-renkontiĝojn ("Aroma Jalto" kaj "Velura Sezono"). Krom aranĝi en Simferopolo ĉiujarajn E-kursojn li iom da tempo gvidis la retan E-kurson "Ŝkola Esperanto" ("Lernejo de Esperanto").

Ekde la jaro 2002 li okupiĝas pri tradukado. Plej famas liaj tradukoj de diversaj ruslingvaj kantoj kaj kelkaj pecoj el famaj anglalingvaj muzikaloj de A. L. Webber — tiuj tradukoj konsistigas la signifan parton de lia kanto-disko "Pluke-Traduke" (2005). Siajn tradukitajn kantojn li prezentas koncerte dum diversaj E-aranĝoj (i.a., dum IJK-2004, IJK-2005, IJS-2005, ARKONES-2005, RET-2007, IET-2008, IJK-2008). Li partoprenis ankaŭ tradukadon de subtitoloj por kelkaj sovetiaj kin-filmoj.

Ekde la pleja komenco P. Moĵajev estis "gramatikema" esperantisto. Li donas multajn konsultojn rete pri la "dubaj" punktoj de E-gramatiko; ekde somero 2003 dum kelkaj jaroj li estis ĉefa provlegisto de "Kontakto". Krome, ekde la lanĉo de la seminario "Flugiloj de malfacila vento" li partoprenis ĝin kiel unu el la gvidantoj de la gramatika parto (i.a., en la seminarioj, organizitaj dum IJK-2004, IJK-2005, RET-2007, IJK-2008).

Somere 2007 P. Moĵajev transprenis la redaktadon de la revuo "Kontakto" de Eugenia Amis.

Paŭlo Moĵajev agas ankaŭ kiel porparolanto de Esperanto en ruslingva Interreto: interalie, li verkis de nulo kelkajn bonajn artikolojn de rusa Vikipedio pri esperantistaj kaj esperantologiaj temoj (inter ili pri PIV, Gaston Waringhien kaj aliajn).

Eksteraj Ligoj Edit

Fotoj Edit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki