OkSEJT (Okcidenta Somera Esperantista Junulara Tendaro, antaŭe Okcidenta Sovetia Esperantista Junulara Tendaro) estas aranĝo kreskinta el SEJT. Ĝi estis organizita de SEJM kaj poste de Rusia Esperantista Junulara Movado en la eŭropa parto de Rusio.
Ekde la jaro 2003 OkSEJT estis strikte instrua tendaro kun malpli da distraj programeroj, sed ekde 2005 la kerna ideo de la aranĝo estas ie en la mezo inter la du ekstremoj: instrua kaj amuza. En 2007 la aranĝo ne okazis unuafoje dum sia longa historio. Eblas supozi, ke ĝi ne plu ekzistos kiel aparta evento, — ĝin anstataŭos junulara programo dum la ĉefa somera Esperanto-renkontiĝo en Rusio (Rusiaj Esperanto-Tagoj).
En 2004, la jaro de rusia IJK, OkSEJT okazis inter la 5-a kaj 10-a de julio (tuj antaŭ IJK) en la bazejo "Berjozka" apud la urbo Kovrov, regiono de Vladimir. Entute registriĝis 57 personoj, el kiuj 6 estis eksterrusianoj (2 kroatoj, germanino, italo, kazaĥianino kaj belarusiano).
En 2005 OkSEJT okazis en Ĉuvaŝio kaj tiam ĝi denove ŝanĝis siajn prioritatojn: en 2005 kaj 2006 OkSEJT estas ne nur instrua, sed "pli luda, teama".
En 2006 la temo de OkSEJT estis "Vivu kolore!", ĉiu tago de la aranĝo havis sian koloron (ruĝa tago, oranĝkolora tago ktp.).
Listo de tendaroj[]
OkSEJT | Loko | Provinco | Partoprenantoj(Aliĝintoj) | ||
---|---|---|---|---|---|
OkSEJT-19 1977 | Poltavo | Ukrainio | ĉ. 190 | ||
OkSEJT-20 1978 | Maĥaĉkala | Dagestano | ĉ. 110 | ||
OkSEJT-21 1979 | Kievo | Ukrainio | 315 | ||
OkSEJT-22 1980 | Rubskoje lago | Ivanova provinco | 280 | ||
OkSEJT-23 1981 | Ŝĉerbinka | Moskva provinco | 170 | ||
OkSEJT-24 (Kieva tendaro en Jurmala) 1982 | Jurmala | Latvio | ĉ. 166 | ||
SudOkSEJT-24 1982 | Voroneĵ | Voroneĵa provinco | ĉ. 80 | ||
OkSEJT-25 1983 | Kujbiŝev | Kujbiŝeva provinco | 236 | ||
OkSEJT-26 1984 | Jerevan | Armenio | 280 | ||
OkSEJT-27 1986 | Kujbiŝev | Kujbiŝeva provinco | 268 | ||
OkSEJT-28((MoskvET-1) 1987 | Torbejevo lago | Moskva provinco | 130 | ||
OkSEJT-29 1988 | Urjupinsk | Volgograda provinco | 119 | ||
OkSEJT-30 1989 | Tuĉkovo | Moskva provinco | 115 | ||
OkSEJT-31 1990 | Rubskoje lago | Ivanova provinco | 215 | thumbnail|50px | |
OkSEJT-32 1991 | Kustorka | Niĵegoroda provinco | 82 | thumbnail|50px | |
OkSEJT-33 1992 | Tolmaĉovo | Leningrada provinco | 109 | ||
OkSEJT-34 1993 | Smolensk | Smolenska provinco | 175 | thumbnail|50px | |
OkSEJT-35 1994 | Jelec | Lipecka provinco | 181 | thumbnail|50px | |
IJK-51 (anst. OkSEJT) 1995 | Serovo | Leningrada provinco | 303 | thumbnail|50px | |
OkSEJT-36 1996 | Taganrog | Rostova provinco | 90 | thumbnail|50px | |
OkSEJT-37 1997 | Volgograd | 55 | |||
OkSEJT-38 1998 | Ĉeboksari | Ĉuvaŝio | 112 | thumbnail|50px | |
OkSEJT-39 1999 | Tiĥvin | Leningrada provinco | 270 | ||
OkSEJT-40 2000 | Ivanovo | 178 | |||
OkSEJT-41 2001 | Kovrov | Vladimira provinco | 129 | ||
OkSEJT-42 2002 | rivero Vetluga | Niĵegoroda provinco | ĉ. 90 | ||
OkSEJT-43 2003 | rivero Volga | Kostroma provinco | 53 | ||
OkSEJT-44 2004 | Kovrov | Vladimira provinco | 57 | ||
OkSEJT-45 2005 | Ŝumerla | Ĉuvaŝio | 62 | ||
OkSEJT-46 2006 | rivero Aĥtuba | Volgograda provinco | ? |
OkSEJT kaj RET[]
En 2007 OkSEJT ne okazis, ekzistas proponoj entute ne plu okazigi ĝin, anstataŭigante per junulara programo en RET.
Kritiko[]
Kelkaj OkSEJToj estis kritikataj pro nesufiĉa ligiteco kun Esperanto. Ekzemple en 1999 okazis psikologiaj programeroj en la rusa lingvo, kiuj iĝis por multaj partoprenantoj la ĉefa evento de la aranĝo.
Kiam dum mallonga periodo OkSEJT estis nur-instrua aranĝo (2003, 2004), ĝi estis kritikata pro tio, ĉar kelkaj esperantistoj sentis mankon de kutima ĉefe distra somera evento.
Eksteraj ligoj[]
- bildoj de OkSEJT-43 4-12 aŭgusto 2003, regiono de Kostroma sur la paĝaro de REJM
- Forumo de REJM, kie ofte okazas aktivaj diskutoj pri la estonto de OkSEJT
- REDIRECT Ŝablono:Ĉefaj renkontiĝoj
Kategorio:Esperanto-renkontiĝoj Kategorio:Statistiko de Esperantujo