Fandom

Esperanto

Gaston Waringhien

884pages on
this wiki
Add New Page
Comments0 Share
Gaston Waringhien
220px
Gaston Waringhien kaj la manuskripto de PIV, 1966
Dato de naskiĝo 20-an de julio 1901
Loko de naskiĝo 20px Lille, Francio
Dato de morto 20-an de decembro 1991
Loko de morto Paris
Nacieco franco

Gaston WARINGHIEN [Gastõ Varẽgjẽ] (naskiĝis la 20-an de julio 1901 en Lille, Francio - mortis la 20-an de decembro 1991 en sia hejmo en Paris) estis franca profesoro kaj grava vortaristo kaj gramatikisto de Esperanto. Li aperigis verkojn sub la pseŭdonomoj Georges E. MAŬRA, A. NURAK, kaj A. PAPADIAMANTOPOULOS. En Nova Plena Ilustrita Vortaro (NPIV) de 2002 lia nomo aperas ankaŭ sub la esperantigo Varingjeno.

Waringhien gvidis kursojn pri Esperanto, verkis kaj tradukis. Li estis prezidanto de la Akademio de Esperanto de 1963 ĝis 1979. Li estis kunredaktoro de Literatura Mondo kaj ĉefredaktoro de La Nica Literatura Revuo. Li multe tradukis poezion, ĉefe el la franca, sed ankaŭ el la angla kaj la germana, kaj kontribuis al la Angla Antologio. Li estis vortaristo kaj inter la projektoj kiujn li prilaboris estas la Plena Vortaro (1930 kaj postaj eldonoj), la Plena Ilustrita Vortaro (1970), kaj la Granda Vortaro Esperanta-Franca (1957).

Plie, li estas la aŭtoro de la Plena Gramatiko, kun Kálmán Kalocsay.

Elektitaj verkoj: Edit

  • Parnasa gvidlibro (kun Kálmán Kalocsay, 1932)
  • Kontribuo al poemkolekto Dekdu Poetoj, 1934
  • Manifeste des Anationalistes (franclingva traduko - kun Avid - de la Manifesto de la Sennaciistoj), 1935.
  • Plena (analiza) gramatiko (kun Kálmán Kalocsay, 1935, 1938, 1981)
  • Facilaj esperantaj legaĵoj (redaktoro, 1935)
  • Maksimoj de La Rochefoucauld (traduko, 1935)
  • Leteroj de L.L.Zamenhof (redaktoro, 1948)
  • Poemoj de Omar Kajam (traduko, 1953)
  • Eseoj I: Beletro (originaloj, 1956)
  • La floroj de l' malbono (kuntradukinto kaj redaktoro, 1957)
  • Kantoj kaj romancoj (tradukinto, kun Kálmán Kalocsay)
  • La trofeoj (tradukoj, 1977)
  • Tra la parko de la franca poezio: La renesanca periodo / La klasika periodo (tradukoj, 1977/1980)
  • La ĥimeroj (tradukoj, 1976)
  • Lingvo kaj vivo (eseoj, 1969)
  • Ni kaj ĝi (eseoj, 1972)
  • 1887 kaj la sekvo (eseoj, 1980, eldonita en la Serio Stafeto)
  • Kaj la ceter' - nur literaturo (eseoj, 1983)
  • Duonvoĉe (kiel Georges E. Maŭra, originalaj poemoj, 1939 kaj 1963)

Postvivaj eldonoj:

Literaturo Edit

El la abunda literaturo pri Waringhien kaj diversaj aspektoj de lia verkaro menciindas miniume jenaj:

  • 2000: Cherpillod, André. Gaston Waringhien 1901-1991 - heroldo de la internacia lingvo / héraut de la langue internationale. Courgenard: La aŭtoro 2000, 79 p.
  • 1985: Haupenthal, Reinhard (ed.). Li kaj Ni. Festlibro por la 80a naskiĝtago de Gaston Waringhien (1901 - 29 Julio - 1981). Antverpeno, La Laguna: Eldonejo TK/Stafeto [1985], 512 p. (kun bibliografio de la verkaro de Waringhien)


Ĉi tiu artikolo baziĝas (parte aŭ tute) sur artikolo el la Enciklopedio de Esperanto (EdE en ekstera arkivo).

Eksteraj ligiloj Edit


Ĉi tiu artikolo baziĝas (parte aŭ tute) sur artikolo el la Enciklopedio de Esperanto (EdE en ekstera arkivo).


Ĉi tiu artikolo pri "Gaston Waringhien" ankoraŭ estas ĝermo pri biografio de esperantisto. Vi povas helpi pluredakti ĝin post klako al la ligo redaktu.
Se jam ekzistas alilingva samtema artikolo pli disvolvita, traduku kaj aldonu el ĝi.

cs:Gaston Waringhien

de:Gaston Waringhien en:Gaston Waringhien fr:Gaston Waringhien it:Gaston Waringhien nl:Gaston Waringhien pl:Gaston Waringhien ru:Варенгьен, Гастон

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on Fandom

Random Wiki