FANDOM


Frits FAULHABER (naskiĝis la 8-an de aŭgusto 1893 en Amsterdamo, mortis la 2-an de marto 1979 en Amsterdamo, Nederlando) estis nederlanda esperantisto, domfarbisto.

Esperantisto de 1912. Propagandis en la armeo 1917-18. Estrarano de FLEN 1920-23 kaj 1927-34. Redaktis ties organon Arbeider Esperantist en 1929, kunredaktisto de ĝia lingva aldono 1931-34. Prezidanto de la Laborista Esperanto-Ekzamena Komitato. Radio-paroladetoj, skriba kurso por kursgvidantoj, aŭtoro de "Konsilanta Gramatiko". Li ankaŭ estis membro de la literatura komitato de Sennacieca Asocio Tutmonda (SAT). Li estis tra pluraj jardekoj unu el la simboloj de la Esperanto-movado en sia lando. Faulhaber aktivis ĉefe en la laboristaj rondoj: estrarano 1920-1923, redaktoro de Arbeider Esperantist inter 1927 kaj 1934, prezidanto de ekzamena komitato ktp. Tamen, lia ĉefa kontribuo al Esperanto estas pli lingva ol movada. Faulhaber verkis tutan aron da nederlandlingvaj Esperanto-lerniloj, el kiuj pluraj akiris internacian renomon. Li estis ankaŭ fruktodona tradukisto. Dum multaj jaroj Faulhaber estis membro de la Akademio de Esperanto.

VerkojEdit

Dosiero:Ne tiel, sed tiel ĉi.jpg
  • Tra la labirinto de la gramatiko (8 eldonoj de post 1934)
  • La komencanto
  • Post la kurso (kun G. P. de Bruin, 1937)
  • Ne tiel, sed tiel ĉi - konsilaro pri la stilo (1965)
  • Esperanta mozaiko (1967)
  • Faulhaber rakontas (1972).

TradukojEdit

  • Thijssen, Theo: La nevenkebla ĝeno' (1939)
  • Dekker, Maurits: La mondo ne havas atendejon (1951)
  • Adema, Tjeerde: Dekkinga fuĝas (1957)
  • Tiavea, Tuiavii de: La papalagoj (1963)


Ĉi tiu artikolo baziĝas (parte aŭ tute) sur artikolo el la Enciklopedio de Esperanto (EdE en ekstera arkivo).
fr:Frits_Faulhaber

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki