FANDOM


David-Emil WICKSTRÖM (naskiĝis la 18-an de oktobro 1978 en Bergen) estas etnomuzikscientisto kaj eksa aktivulo en la Esperanto-junularo, interalie eksa prezidanto de TEJO.

David-Emil Wickström estas filo de usonanino kaj sved-aŭstro. Li vivis en Bergen, Linz (Aŭstrio), Berlino (Germanio), Mannheim (Germanio), St. Peterburgo (Rusio) kaj Kopenhago (Danio). Pro diversaj kialoj li havas usonan kaj aŭstrian ŝtatanecojn, sed kontraŭas naciajn definojn de li laŭ hazardaj dokumentoj. Liaj denaskaj lingvoj estas la angla, la sveda kaj la norvega, krome li flue parolas la germanan, Esperanton kaj rusan.

De 1999 ĝis 2003 li studis muziksciencon kaj skandinavistikon en la Humboldt-Universitato de Berlino kaj en la Universitato de Bergen. Ekde 2004 li doktoriĝas pri post-soveta populara muziko en Peterburgo unue en la Humboldt-Universitato de Berlino kaj ekde 2006 en la universitato de Kopenhago.

En 1996 David-Emil ekaktivis en la junulara Esperanto-movado. Li estis ĉeforganizanto de la junulara programo de la 84-a Universala Kongreso de Esperanto en Berlino 1999 kaj de la 59-a Internacia Junulara Kongreso en Lesjöfors (Svedio) 2003. De 2001 ĝis 2003 li estis estrarano de Germana Esperanto-Junularo; dum pluraj jaroj li kunorganizis la Internaciajn Seminariojn de GEJ. Li aktivas en la laborgrupo Esperanto ĉe Interreto kaj prizorgas la Artistan Datenbazon. Dum la 62-a Internacia Junulara Kongreso en aŭgusto 2006 la komitato de TEJO elektis lin prezidanto.

David-Emil Wickström nun loĝas en Kopenhago. Krom siaj profesiaj devoj li ankaŭ ludas la trumpeton en la (Esperanto-)mondmuzika grupo Hotel Desperado.

Ekstera ligilo Edit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki