FANDOM


Chu vi pretas?! (-literumo preferata de la bando; ankaŭ aperis kiel Ĉu vi pretas?!) estas hiphopa furorkanto, kiu estis eldonita en la albumo Lingvo intermonda de la esperanto-bando Dolchamar en 2000. Ĉu vi pretas?! estas la unua oficiale publikigita esperantlingva hiphopa kanto kaj verŝajne unu el la plej fruaj entute. La kanto estas ofte ludata en kongresaj diskotekoj kiel esperanto-klasikaĵo. La frapfrazo "Chu vi pretas?" - efektive pruntita de la kanto Muskola belulino de La Mondanoj - fariĝis ofta diraĵo en Esperanto kaj parto de la junulara slango.

Krom la albuma versio ekzistas remastrigita versio, kiu elŝuteblas senkoste. En la somero de 2006 Dolchamar registris novan version pri la kanto kun la nomo Nova jar. La diskeldonejo Vinilkosmo krome petis novan remikson pri Chu vi pretas?! por venonta hiphopa kompilo-KD. En la festivalo KEF 2000 la tiamaj kantisto Sarchjo kaj basisto Stoedoe prezentis akapelan version kun rapado kaj homa ritmomaŝino.

La teksto Edit

La teksto de Chu vi pretas?! estas maltipa por Esperantomuziko ĉar ĝi enhavas fivortojn kaj defion anstatau la pli tipaj paca kaj amikeca temoj. La tekston verkis Patrik Austin (Piechjo), tiam gitaristo de Dolcxamar (kun ikso) post trinkeja nokto en Londono, kie li loĝis inter 1997 kaj 1999. La unuaj linioj de la teksto indikas, ke ideo pri la bando venis en la komenco de la jaro 1999. Kiel kutima por hiphopaj tekstoj, Dolchamar uzas neoficialajn vortojn kaj skribmanieron.

Chu vi pretas?! Edit

Mi koncipighis en la fru de la lasta jar
Kaj mi naskighis sur la negho de februar
Estas degelinta nun la negho kaj mia kor
Mi povas tiaokaze zheti ghin for
La stratojn de la urbeg vagas kiel labrador
En mia menso formighas grandioza metafor
Mi manghas feron kaj merdas chenon
La marko de la besto malkashas la omenon
Tiel severa estas mi ke el miaj okuloj
Unu rigardo rompas spegulojn
Kaj mi ne estas superstica, la venonto brilas
Pluvas nun sed baldau mi jubilas
El la stratoj de Londono al ultramar:
Chu vi pretas por la veno de Dolchamar
Chu vi pretas, chu vi pretas,
Chu vi pretas por la veno de Dolchamar?
Kie mi estis? Jes, piediris ie
En la asfalta ghangalo chiukaze
Sur la pinto del mondo
Sub la Centra Punkto
Pensante pri la kontrapunkto
Sen mangho en la ventro
Sen mono en la posh
Iu pugulo al mi ekludis sian bushon
Oj! Kriegis mi
Flaru mian kacon
Kaj tuj lia kapo trafis la tersurfacon
Kion, diable, homoj fixrigardas?
Chu ili pensas ke ili plibonas?
Fikighu, mastro, kaj vi, aferkostumulo
Jen estas autentika sentaugulo
Sentaugulo, sentaugulo...
Kaj fiera
Chu vi pretas, chu vi pretas,
Chu vi pretas por la veno de Dolchamar?

Klarigoj Edit

  • La ultramara koloro estas tiu de la ĉielo. Tamen en la latina "ultra mare" signifas transmare, do la frazo El la stratoj de Londono al ultramar povas esti dusenca. La antaŭa bando de Patrik Austin, Punaiset messiaat, havis latinlingvan kanton kun nomo Carmen (ultra mare); esperante: Kanto (transmare).
  • La Centra Punkto (Centre Point) estas domego apud la metrostacio Tottenham Court Road en Londono. Sub ghi estas tunelo por piedirantoj.

Eksteraj ligiloj Edit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki