Fandom

Esperanto

Carlo Minnaja

884pages on
this wiki
Add New Page
Comments0 Share

Carlo MINNAJA, naskita la 19-an de marto 1940 en Romo, estas itala matematikisto. Li estas denaska esperantisto kaj vortaristo kaj membro de la Akademio de Esperanto.

Minnaja magistriĝis pri matematikaj sciencoj en Pizo en 1963; doktoraj studoj pri analitiko ĉe Scuola Normale Superiore, Pizo 1963-65; unua profesorposteno ĉe la ŝipakademio en Livorno en 1965. Poste li iris al la universitato de Padovo kiel profesoro de la inĝeniera fakultato, pri diversaj matematikaj fakoj; de 1973 li estas konstanta profesoro. Inter 1979 kaj 1994 li estis membro de la Scienca Konsilio de la Instituto pri Komputa Lingvistiko en Pizo. En 1983/84 li estis gastprofesoro Fulbright-a ĉe Virginia Polytechnic Institute kaj University of California en Los-Anĝeleso. Li prelegis ĉe pluraj eŭropaj universitatoj, estas aŭtoro aŭ kunaŭtoro de ĉ. 50 sciencaj kaj didaktikaj verkoj pri matematiko; verkinto de pluraj libroj kaj multaj artikoloj koncernantaj la internacian lingvon. En 1980 li estis distingita de la Itala Ĉefministro per "Premio de la kulturo".

Minnaja estas membro, senatano kaj vicprezidanto de AIS San-Marino.

En la 1960aj jaroj Carlo Minnaja estis estrarano de TEJO pri fakaj sekcioj kaj servoj.[1] Li tre aktivas pri esperantologio kaj esperanto-literaturo. Li estis ano de la literatura rondo La Patrolo. En 1981 aperis lia traduko en Esperanton "La gastejestrino" de Carlo Goldoni; en 1982 liaj tradukoj de poemoj de Cesare Pavese.

En 1996 publikiĝis lia pli ol 1400-paĝa vortaro itala-esperanta. Ĝi estas la plej ampleksa tiutipa, kiu ĝis nun aperis, kaj komparebla nur kun la samkategoriaj vortaroj germana-esperanta de Krause (2007), la hispana-esperanta de De Diego (2002) kaj la hungara-esperanta de Szerdahelyi kaj Koutny (1996).

Minnaja estas ano de la scienca komitato de Itala Interlingvistika Centro, konstanta kunlaboranto de Literatura Foiro ekde ĝia fondo, kaj regula literatura recenzanto de la magazino Monato.

Kontribuis al BA2.


Fontoj Edit

  1. Esperanto, februaro 1963.

Eksteraj ligilojEdit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on Fandom

Random Wiki